أسهل طريقة تفتح بها الهاتف ديالك ولا نسيتي الكود

من اجل السلامة ديال الهواتف ديالنا، بعض المرات كنضطرو اننا نعملو كلمة سر معقدة اومختلفة. اللي غادي يزيد فالإحتمال ديال النسيان ديالها، ونوليو مجبرين باش نفورماطيو الهاتف ديالنا وفقدان مجموعة ديال البيانات. لهذا فهاد الموضوع الجديد، غادي نهضرو على واحد الطريقة سهلة، كتمكن ليك تفتح الهاتف ديالك اولا نسيتي كلمة السر.

modele-deverrouillage

كاين واحد التطبيق فالاندرويد، كيمكن لك تفتح الهاتف ديالك اولا ماعقلتيش على كلمة السر. الإسم ديال هاد التطبيق هو : SMS Baypass غادي تلقاو رابط ديال تحميل ديالو فاسفل هاد المقال. كذلك خاصكم تعرفوا انه هاد التطبيق كيحتاج ل الروت Root قرا هاد المقال ولا مازال ماعندك الروت (اشناهوا الروت Root وكيفاش تفعلو). بعدما تسالي التحميل ديال التطبيق، دخل ليه وقم بتفعيل الخيار الأول وضغط على Change secret code.

image_sms_bypass

من بعد غادي دخل الكود او كلمة السر القديمة، وتدخل كود جديد فيه 4 ديال الأرقام، وتبدل كلمة السر بلا مشاكل.

فحالة معقلتيش على كلمة السر باش تفتح الهاتف ديالك، كتقوم بارسال واحد الرسالة SMS لهاتف ديالك بحال هكا : كتكتب الرمز السري اللي دخلتيه للتطبيق وتخلي مساحة ثم كتب : Reset من بعد كترسل الرسالة، وغادي اتشعل الهاتف ديالك من جديد ودخل بلا ماتحتاج تكتب كلمة السر.

untitled-1

طريقة بسيطة وسهلة وماتلقاش مشاكل معاها

Share

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *