مفاجأة في 20 موقع الأكثر زيارة فالمغرب

أليكسا Alexa، الموقع اللي كيوفر إحصاءات ديال المواقع العالمية دارت واحد اللائحة ديال المواقع اللي كيشوفو المغاربة بزاف، هاد اللائحة تضمنت مجموعة ذيال المواقع المغربية والاجنبية، واللي بينت واحد الاهتمام كبير بالصحافة الالكترونية المغربية، المواقع الرياضية ومواقع ديال التواصل الاجتماعي. هاد اللائحة عرفت كذلك غياب مجموعة ديال المواقع بحال : موقع القناة الثانية والاولى، تيلكيل.

internet-maroc

إليكم اللائحة ديال المواقع :

  • غوغل Google : الموقع اللي كيدخل ليه اكبر عدد ديال الناس، غوغل هو المصدر الاول ديال المعلومات واللي كيتسمى محرك البحث.
  • يوتوب Youtube : يوتوب هو واحد الموقع اللي تيمكنك تشوف الفيديوهات، افلام، موسيقى. كذلك يمكن لك تدخل فيديوهات ديالك وتشرهوم مع الاصدقاء ديالك.
  • فايسبوك Facebook : موقع التواصل الاجتماعي.
  • هسبريس Hespress : جريدة إلكترونية مغربية تأسست ف 2007.
  • شوف تفي Chouftv : أول تلفزة إلكترونية فالمغرب، شاملة ومستقلة. كتهتم بمجموعة ديال القضايا اللي كادور فالمجتمع المغربي.
  • أفيتو Avito : أفيتو هو اول موقع دبال الاعلانات فالمغرب، كيتعرف بانه وسيلة كيستعملها الملايين ديال المغاربة للبيع والشراء فالانترنت.
  • البطولة Elbotola : موقع رياضي مغربي كيهتم باخبار كرة القدم المغربية، العربية والعالمية.
  • كووورة Kooora : الموقع العربي الأول رياضيا.
  • أخبارنا Akhbarona : جريدة الكترونية مغربية.
  • أون كليك أدس Onclickads : واحد الموقع كيوفر لصحاب المواقع الاعلانات باش ايديروهوم فمواقع ديالهم ويربحو فلوس على حساب عدد الزيارات.
  • Le360.ma : هاد الموقع كيدخل فإطار وسائل الإعلام الرقمية.
  • بلوغر Blogger.com : اللي باغي ايدير بلوغ او مدونة.
  • ويكيبديا Wikipedia : الموسوعة الالكترونية.
  • كود Goud.ma : موقع مغربي كيختص فاخبار المجتمع، الاقتصاد، السياسة والرياضة.
  • Uptodown.com : موقع كيساعدك باش تحمل تطبيقا الاندرويد مجانا.
  • نوون بريس Noonpresse : الأخبار المحلية والعالمية. أخبار السياسة و الرياضة.والفن… بالفيديو والتصاور.
  • الايام 24 Alayam24.com : الايام24 جريدة الكترونية متعددة الوساىط ومتجددة على مدار الساعة واخبارية عامة.
  • هيهي 2 Hihi2.com : موقع رياضي كيهتم بكرة القدم العالمية والعربية.
  • لايف Live.com : محرك البحث ديال مايكروسوفت.
  • ياهو Yahoo.com : ياهو موقع امريكي كيقدم مجموعة ديال الخدمات كالإيمايل، البحث والأخبار.

والغريب فالأمر أنه فهاد اللائحة، كنلاحظو غياب المواقع الإباحية، واللي كانت كتحتل فوقت سابق مراتب متقدمة فترتيب المواقع اللي كيشوفو المغاربة.

Share

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *