كيفاش تمنع أي شخص يستعمل الواي فاي ديالك واخا عندو الكود
تتختلف السرعة ديال شبكة الواي فاي فالمنازل، الشركات والاماكن العمومية، على حساب الإستعمال ديالها. فإذا كانو عدد المستعملين كثر، فهذا كيعني ان الصبيب غادي يتم تقسيم ديالو على الناس اللي كيستعملو هاد الشبكة.
لذا فأفضل طريقة باش تحافظ على السرعة ديال الواي فاي هي تقوم بالحماية. فكيف يتم ذلك؟
أول حاجة تقوم بها، هي إخفاء شبكة الواي فاي ديالك على الآخرين، فهاد الحالة وخا تعطيهم الكود ديال الواي فاي، صعيب عليهم يدخلو ليه. هاد العملية كتم عن طريق : دخل الأدمين ديالك : ” 192.168.1.1 ” أو ” 192.168.1.2“, ودخل للإعدادات ديال الروتر Router, وضغط على WIFI وفالخيار ديال الحماية غادي تلقى Broadcast Network Name اي SSID الخاص بالشبكة. شوف التصويرة :
بعدما قمتي بالعملية السابقة، غير الإسم دالواي فاي ديالك وعمل كود Code جديد، ضغط على Apply.
ولا بغيتي تدخل من الحاسوب ديالك، غادي تظهر لك Hidden Network،ضغط عليها ودخل الإسم ديال الشبكة دياك، وتدخل الكود ديالك. بالنسبة للهاتف الصورة كتوضح، الشخص اللي ماعندوش الاسم والكود ديال WIFI ديالك، صعب عليه ادخل ليه.
