فيسبوك غادي تطلق مفاجأة جديدة لمستخدمي Messenger

ديما كيعودنا الفيسبوك على التوسع في مجالات تكنلوجية، كانت  في الماضي كتحتكرها فقط الشركات الكبرى، فبعدما دار الفايس خدمة البث المباشر و التركيز على مجال الذكاء الاصطناعي والسعي نحو تطوير تطبيقات الواقع المعزز والافتراضي لشبكتها، ها هي اليوم التقارير كتكشف قرب إطلاق واحد الخدمة جديدة ف MESSENGER.

فايسبوك كيستعد باش يدعم هاد التطبيق بمنصة الألعاب الفورية “Instant games” اللي كتمكن المستخدمين باش يلعبو مع الأصدقاء ديالهم فوقت الشات، فقبل أيام تم إطلاق لعبة الشطرنج وكرة السلة وكرة القدم كنموذج تجريبي.

فنفس الموضوع، قامت شركة King اللي قامت بصنع اللعبة المشهورة “Candy Crush” بإطلاق لعبة جديدة بإسم Shuffle Cats Mini ، إذ تم إطلاق اللعبة على المسنجر فشي مناطق بنيوزيلندا. ولاحقا غادي يقوم الفايسبوك بإنشاء واحد المتجر اللي غادي يمكن المستعملين من تحميل وشراء الألعاب، الشيء اللي غادي يوفر لفيسبوك مصدر جديد لدخل.

وشارت تحاليل بعض المواقع المتخصصة مثل Techradar أن فيسبوك كيهدف بالأساس لخلق تطبيق مثالي كيتضمن مجموعة من الخاصيات كتشغيل تطبيقات مختلفة ضمن نفس التطبيق، بوتات تعتمد الذكاء الاصطناعي وتتفاعل مع المسستخدم بطرق ذكية، متجر ضخم للشراء و البيع، منصة ألعاب فورية للمرح مع الأصدقاء.

Share

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *