التطبيقات اللي مستعملين بزاف فالايفون هاد العام
بزاف ديال المستخدمين تيقلبو على افضل التطبيقات دالايفون فمختلف المجالات. اللي غادي استافدو منها باش ايديرو بزاف ديال الحوايج (تعديل الصور، الفيديوات، الموسيقى ..). او التطبيقات اللي كتقدم مجموعة ديال الخدمات(GPRS).
لذلك فهاد المقالة غادي نقدمو ليكم واحد الليست فيها 20 افضل تطبيق ديال الايفون، الايپاد ختارتهوم أپل فبداية 2016 ديال فابور او بالفلوس.
- طبيق بريسكوب Periscope :
بريسكوم هوا واحد الاپليكاسيون حصلات على المركز الاول من بين التطبيقات الواعرين ديال الايفون، تتميز هاد الاپليكاسيون بانها تتخلوك تدوز مقاطع فيديو مباشرة، او تستاقبل الكومونطيرات مباشرة من الاصدقاء او المحبين ديالك. هاد الاپليكاسيون تأسست فمارس 2016 من طرف تويتر.
ضغط هنا باش تحمل هاد الاپليكاسيون من الأپل سطور.
- تطبيق انستقرام عربي :
انستغرام هو واحد الابليكاسيون ديال التصاور والتعديل ديالها، وهو من بين الاكثر اللي تستعمل بزاف من بعد الشراء ديالها من طرف فايسبوك فأبريل 2012.
ضغط هنا باش تحمل هاد الاپليكاسيون من الأپل سطور.
- تطبيق Hopper :
هوپر هي واحد الابليكاسيون غادي تفيدكوم بزاف اولا كنتو كتسافرو، حيت كتعطيك المعلومات على الثمن ديال التذاكر، او كتنبهك باحسن وقت تقطع فيه التذكرة المكان اللي بيتي تمشي ليه.
ضغط هنا باش تحمل هاد الاپليكاسيون من الأپل سطور.
- تطبيق Lark :
لارك هيا واحد الابليكاسيون غادي تساعدك باش تنقص الوزن ديالك، او ترفع من اللياقة البدنية ديالك. المهم فاهد الابليكاسيون انها عندها واحد التصميم مميز، تيخليك تحس براسك بحال كتواصل مع مدرب خاص بك، هاد الابليكاسيون كتراقب كذلك الاطعمة اللي كتاكلها، وتيعطيك مجموعة ديال النصائح اللي غادي تنفعك.
ضغط هنا باش تحمل هاد الاپليكاسيون من الأپل سطور.
- تطبيق Tandem :
هاد الابليكاسيون غادي تساعدكم بزاف، حيتاش تمكنكم باش تعلمو مختلف اللغات. من خلال التواصل مع كثر من 3 مليون شخص فالعالم، او تكلم باللغة اللي بغيتي تعلمها مع الناس ليكايهدرو بها. وغادي تستافد من من الممارسة ديالها بشكل مباشر.
ضغط هنا باش تحمل هاد الاپليكاسيون من الأپل سطور.
- تطبيق Vee for Video :
كتعتبر هاد الابليكاسيون من بين الافضل فالايفون واللي كتستعمل بزاف منهار تلونسات. وكتميز بانها تخليك تعدل فيديووات ديالك، وتزيد ليها ايفيات، تقطعها، وتحسن الجودة ديالها.
ضغط هنا باش تحمل هاد الاپليكاسيون من الأپل سطور.
- تطبيق Blue Apron :
بغيتي تعلم تطيب؟ نصحك تستعمل هاد الابليكاسيون، فهي كتقدم ليك مجموعة ديال الوصفات السريعة والجديدة. وكل شي كيتشرح بالفيديو وبكل سهولة.
ضغط هنا باش تحمل هاد الاپليكاسيون من الأپل سطور.
نتمنى ان هاد المقالة والتطبيقات تعجبكم. اولا عندكم شي تساؤل متنساوش ديرو كومونطير اولا كتبو على الصفحة ديالنا فالفايسبوك وشكرا.
