25 عام من ربط الناس بالكونيكصيون

اليوم كيحتافل العالم بمرور 25 سنة على وجود الانترنت فحياتنا. واللي كان عندو مجموعة ديال الأثار فحياتنا والتغييرات فالعالم سواء اجتماعيا، اقتصاديا او سياسيا. فبفضل الانترنت العالم اولا بحال شي قرية صغيرة، سهلات علينا مجموعة ديال الحوايج : كالاتصال، الاخبار، الدراسة، البحث، السفر، التجارة .. الخ.

وهنا غادي نرصدو معاكم 5 ديال الفقرات اللي خلقات الشبكة العنكبوتية : 

• الظهور ديال الانترنت :

فعام 1969 دارت وزارة الدفاع الامريكية واحد المشروع كيساعد الجيش الامريكي على التواصل بالحاسوب، وذلك بإنشاء واحد الشبكة فالجامعات والمؤسسات باش تربط بيناتهم. وتسمى هاد المشروع ب “أربانت”.

ومع مرور السنين طورات وزارة الدفاع الأمريكية البروتوكول ليخدامين به فهاذ الشبكة، او دارت واحد بروتوكول جديد ديال الانترنت ساهم بزاف فتطوير الاتصال، اوبان البريد الالكتروني والمواقع وطرق خرين ديال التواصل.

• Dial Up الانترنت من التليفون :

بانت هاد التقنية فبداية السبعينات، وكانت تتخدم بواحد الطريقة ديال وضع السلك ديال التليفون فالحاسوب، وكاندخلو واحد الرقم باش نتكونيكطاو، اولا جاك شي اتصال فالتليفون كتقطع الانترنت. والسرعة ديال الكونيكصيون كانت 56 كيلوبايت في الثانية. وصل عدد الناس اللي خدامين بالانترنت عام 1995 ب40 مليون فالعالم.

• كابل الكونيكصيون ADSL : 

العيمان كدوز والطرق ديال استعمال الانترنت كتطور، اولا كلشي تيعتامد على الكابلات ديال النحاس وهاد الطريقة هيا لولا اللي كانت شركة اتصالات المغرب، كتشتارك كيدوزو لك واحد الكاب حتا لدار متاصل مع شبكة التليفون ديالك. وصلات سرعة ديال الكونيكصيون للضوبل 400 ميغابايت للشركات، 250 ميغابايت فالبلايص السكنية. «DSL، ADSL، SDSL، VDSL».

• الواي فاي Wireless :

تطورات الطرق ديال الكونيكصيون، اولاو الناس تيتخلاو على الطرق العادية، او تيلتاجؤا لطرق جديدة لاسلكية بلا ميحتاجو لتبرزيط ديال الاسلاك. وهاد الطريقة تميزات بالسرعة ديالها، او يمكن ليك تكونيكطا من اي بلاصة.

• الانترنت من الپورتابل :

من 2007 بداو كيبانو السمارت فون والانترنت من الپورتابل ديالك، ، اللي كيمكن لك تكونيكطا باستعمال الپورتابل ديالك من اي مكان. ف 2010 بداو كيبانو التابلت، ليسهل على نصف السكان د العالم ايتكونيكطاو.