سياسة #طحن_مو قد تطحن النظام‎

واش خباركم باللي ماشي غاحنا اللي كنحرقو راصنا ملي كيحڭرنا المخزن ولاا كنتسيبو لزبل نتطحنو حيت حنا كنحسو براصنا زبل فموطن الأحرار، واش نسيتو ديك لمرا اللي هدمولاا دارها وش نسيتو لمرا اللي جراو عليها هي وولدها والتشرد كان مصيرها.

هد شي كاين فبزاف دلبلايص ماشي غا دول العالم التالث كاين فلميريكان وكاين تا فروسيا ولكن ضد الأقليات (السود . والمهاجرين) فاش كتشوف العنف والحكرة فالمغرب كتعرف باللي مفهوم الاقليات هو مفهوم شامل أو شبه كامل وجامع والسبب هو انعدام الطبقة المتوسطة والفراغ بين فئتي المهمشين واللي مهلية فيهم لبلاد، يعني القهر والحكرة والسليخ ولغلاا ماكيشوفوم ومكيحس بيهم غير ستين فالمية دشعب… ماشي بزاف؟

داك نهار تضربو ولاد ونسا من طرف المخزن, مع العلم انه ديك الديور اللي بغين يريبوهوم هوما اللي سمحو لهم يكونو لا نتوقع التغيير التغيير كيبان لناس اللي كتفطر فستار باكس وتغدا فاللوي جي والويكاند تمشي ل لاسويس, حنا غنبقاو هكا وغنموتو كنحسو بالفراغ والحاجة والظلم حيت حنا شعب يستاهل يسفق ويطبل وكايكلاا فظهرو ويقول عاش الملك ويتغنى بأسمائه الحسنى ويقول اجي سيدنا الملك تشوف؟ شغيشوف؟ راه هد شي هاللي بغاه مطبق فيكم رؤية مكيافيلي.

كتستناو جوج كيلو د سكر ومحفظة نهار الدخول المدرسي والسيد كيصدق الملايين ويستجمم بضعف الملايين ومن خيركم ملفوق اللي كيفكر فالفقراء والمساكين مكيلبسشي المركات ويعيش فلقصورا . وتقولو عاش الملك اتقذنا ا سيدنا !؟؟

سيرو اودي ماسيدكم غير ربكم و مغينصركم غاصوتكم ووقفتكم مجموعيين.

ناس دالحسيمة كنتوقع منهم يثورو ثورة الفقراء والمهمشين وخصوصا المحكورين حيت هدوك ناس اللي تحكرو فالول ومتوارتين الغضب. اعباد الله السيد سلف و بغا يبدل حياتو من الذل زدق منتاحر؟

شحال من واحد خاص يموت باش تفهمو باللي راكم حمير؟ كتهزو تقال ورا را و شوشو.

اشعب هسبريس وشوف تيفي وسعد المجرد وزمر كولو قراو باش نهار غتقراو مغتبقاوشي تشوفو الدنيا مزيانة والمغرب مزيان غتفتحو دوك العينين وتشوف شحال كنتي بليد … #طحن_مو

روي عن الرسول : من قتل دون ماله فهو شهيد.

بقلم فرح لزعار.

Share

أضف تعليقاً