رسميا سامسونغ كتعلن نهاية غالاكسي نوت 7

اليوما رسميا علنت شركة غالاكسي الكورية الجنوبية عن نهاية الهاتف ديالها غالاكسي نوت 7 (Galaxy Note 7)، بعد بزاف ديال المشاكل التقنية الخطيرة واللي تسببت فالإحتراق والإنفجار ديال هاد الأجهزة. هذا كلو أرغم الشركة الكورية باش تقوم بمجموعة ديال الإجراءات واللي كيتبين أنها ماكانتش كافية باش توقف التدهور والتأزم ديال هاد الهاتف الجديد، واللي يمكن نعتبروه أحد أفشل المشاريع فميدان العالم الرقمي والهواتف الذكية.

فمنذ الإطلاق ديالو، عمت واحد الضجة كبيرة شبكات التواصل الإجتماعي ووسائل الإعلام بأخبار إنفجار هاد الهواتف، وظهور مجموعة ديال الأعطاب التقنية. الشي اللي خلا الشركة الكورية كتوقف المبيعات ديالو مؤقتا، ودارت واحد البرنامج ديال إستبدال النسخ القديمة بنسخ جديدة بعدما تبين أن المشكل كاين فالبطارية.

note-7-explose-encore
صورة ديال هاتف سامسونغ غالاكسي نوت 7 بعد الإنفجار ديالو

لكن المشكل ماوقفش عند هاد الحد، رغم الإجراءات اللي دارتهوم سامسونغ، إستمرت عملية الإنفجاروالإحتراق فهواتف سامسونغ الجديدة، وترغمت الشركة باش توقف المبيعات من جديد مؤقتا. لكن إستمرار هاد المشكل من جديد أرغم الشركة باش توقف نهائيا هاد المنتوج، وطالبت المستخدمين والمالكين ديال هاد الهاتف بضرورة وقف الإستعمال ديالو وإطفاءه فورا.

هادشي كلو أدى إلى تدهور سمعة سامسونغ بسبب فضيحة غالاكسي نوت 7. كذلك إعلان الشركات ديال الطيران منع المستخدمين والركاب من إستعمال هاد الهاتف فالطائرات ديالها، الشي اللي غادي يودي لخسائر مالية كبيرة قدرتها المصادر بحوالي 17 مليار دولار، وأشار محللون في أن هاد الفضيحة غادي تأثر كذلك على المنتوجات ديال كوريا الجنوبية بصفة عامة.

من واحد الجهة أشارت مصادر صحفية أن شركة سامسونغ غادي تسارع باش تطرح هاتف غالاكسي S8 قبل الموعد المحدد باش تغطي على أزمة غالاكسي نوت 7.

Share

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *