فيروس خطير كينتشر بين المستخدمين ديال الفيسبوك

كيتعتبرو مواقع التواصل الإجتماعي وخاصة موقع الفيسبوك من بين الأماكن الخصبة اللي كتنتشر فيها الفيروسات والبرامج الخبيثة بواحد الوثيرة كبيرة. وهادشي كلو كيرجع إلى إفتقار المستعملين ديال الفايسبوك للوعي الكافي، بالخطورة اللي كتشكلها هاد الفيروسات وكذلك مكيعرفوش طرق التعامل معها.

وفالأيام الأخيرة نتشر واحد الفيروس خطير فالفيسبوك، كلما ضغطي عليه، كيترسل هاد الفيروس مباشرة للأصدقاء ديالك. لذا فهاد المقالة غادي نوريكوم الطريقة الصحيحة باش تعاملو بها مع هاد الفيروس، وتحمي الحساب ديالك وديال الأصدقاء ديالك.

(الطريقة اللي كيوصل بها الفيروس، بحال شي فيديو. ماضغطش عليه)

ربما تكون استغربت مؤخرا من شي رسالة وصلاتك للفيسبوك ديالك بحال فيديو. هاد الرسالة ماضغطش عليها، فهي رسالة خبيثة. مجرد ضغط عليها يتم إرسالها لصحاب كلهم، وبالتالي كتشكل خطر على الحساب ديالك، والجهاز(هاتف او كمبيوتر او تابلت) اللي نتا فيه.

فحالة أنك ماكنتيش عارف، وضغطي على هاد الفيروس، وماعرفتيش كيفاش تعامل مع هاد المشكل، كل ما عليك تقوم به هو تمشي للإعدادات د فيسبوك ديالك (Settings / aramètres) وتمشي للخانة ديال الحظر (Block) ثم تعمل واحد الحظر وإيقاف على التطبيقات أو اللي حملتيها ولا عطيتيها صلاحيات للحساب ديالك.

ولا تبعتي هاد الخطوات، غادي تحد بنسبة كبيرة من الخطورة ديال هاد الفيروس. بالتالي غادي تحمي الحساب ديالك و د صحابك، جميع المعلومات ديالك فالفيسبوك. ماتنساش مستقبلا مضغطش على روابط مشكوك في صحتها.