مشكلة حقيقية ف آيفون 7

كيستمر ظهور المشاكل فالهاتف الجديد ديال أپل أيفون 7، واللي خرج للأسواق فشهر سپتمبر. وأحدث المشاكل اللي بانت فالهاتف هي الاتصال عبر تقنية بلوتوث اللاسلكية.

وذكر موقع “بي جي آر” اللي متخصص فالأخبار التقنية والتكونولوجيا، أن واحد العدد كبير من مستخدمي الهاتف الجديد ديال أپل، تشكاو من مشاكل الإتصال بالبلوتوت فالسيارات ديالهم. وهاد المشكل ماكاينش فواحد النوع ديال السيارات، وإنما مجموعة ديال السيارات اللي كتستعمل هاد التقنية ك “BMW” و”Kia” و”Ford” وأغلب المستخدمين تشكاو من إنقطاع الصوت، وعدم القدرة على الإتصال بالنظام الصوتي ديال السيارات ديالهم.

وقام عدد من المستخدمين ديال الهاتف الجديد أيفون 7، بنشر بزاف ديال الشكاوي فمنتديات الدعم ديال أپل وعدة مواقع متخصصة. مطالبين الشركة بإيجاد حل لهذا المشكل.

شركة السيارات الألمانية BMW أكدت على مشكل البلوتوت ف هواتف أيفون 7، وأن هاد الهاتف الجديد مكيتوافقش مع السيارات ديالها حاليا، وطالبت مستعملي الهاتف بتحميل نظام iOS 10 بحثا على حل للمشكلة.

وعانى هاتف أيفون 7 الجديد منذ الخروج ديالو من بزاف ديال المشاكل، بحال الأصوات المزعجة، الخلل فوضع الطيرات، توقع أجهزة التحكم في السماعات ديال الصوت.

كل هذه المشاكل وضعت شركة أپل اللي معروفة بالجودة فالمنتجات ديالها، فوضع حرج وتحت الضغوطات و الإنتقادات وجعلت السمعة ديالها فالمحك.

Share

أضف تعليقاً