أشهر النساء المغربيات وأشجعهن اللي متواجدات على الفيسبوك

باش تكون فشكل راه كلشي كيقول مع راسو راه متميز، ولكن باش تخرج وتواجه المحيط ديالك بميولاتك وأفكارك وحياتك اللي ممولفهاش فمجتمع من دول العالم التالث هو أمر شويا صعيب، ليوما خترنا متمردات وفنظر البعض مصاخيط وملحدات، بغينا نفكرو خارج الصندوق ونتعرفو عليهم وعلى بروفيلاتهم اللي كيشاركو فيها كاع التفاصيل المثيرة.

وحيتاش خالف تعرف راهوما معروفين ورصيدهم دلفولورز والمحبين وتا الكارهيين جد كبير. أنا قلت شجاعات حيتاش مخافوش وتجاوزو الدين والعرف و حتى القانون …ماشي ساهل تخلق بنت فلمغريب وتدير هد شي كامل، وحيتاش هما متمردات غنطلو عليهم شوية اليوم.

1

سهام ناشطة حقوقية وعضوة الحركة البديلة للحرية الشخصية مغربية الجنسية تطوانية وقرات فرباط فجامعة محمد الخامس، أفكرها وخواطرها المكتوبة على جدار الصفحات وعلى برفوفيلها الشخصي نوضات شوية دقربالة بين مؤيد ومعارض ،وحيتاش عندا صدى كبير خترنها فهد الائحة سهام تنادي بالحرية الدينية والجنسية وبحرية الصحافة وبحماية الأقليات وناشطة حقوقية على الفيسبوك.

1601562_613167572088247_1890030636_n

مسميتاش شطاحة ولكن معلمة رقص شرقي، حكيمة معنداش مشكل مع اسم شطاحة أو رقاصة حيتاش هي مهنتها وشغفها من سنوات، فالغرب الراقصة الشرقية عندا قيمة حيت ماشي ساهل تحرك اي بلاصة فجسمك على اي إيقاع، حليمة شخصيتها قوية وكاتبة رأي على موقع كاود اللي كيتصدر رقم سبعطاش فأكثر المواقع تصفحا، الجرءة ديالها كتجلى بفخرها بجسمها حيتاش هي ماشي عورة كتقول، ومشات بعيد ملي صرحت واحد النهار وقالت”مافيها عيب نحط صوري المثيرة للتشجيع على القراءة” حليمة ديما على الفيسبوك متواجدة، معظم صحابها كيقولو عليها متواضعة وقلبها كبير والغريب فالأمر أنها محبوبة رغم جرئتها وتمردها العلني حيث كتعتبرو حرية فردية وكتدافع على الأخريات من خلال صوتها كذلك.

14192564_173323036436038_8591515547294297505_n

هاجر متوكيل، لادينية و كاتبة رأي على موقع ڭود، هاجر ليزبين معروفة ولكن قبل ماتكون سحاقية هاجر عاشت تجربة قاسية فالسعودية وبعد رجوعها للمغرب قررت تستسلم للشي اللي كانت كتحاربو … ميولها الجنسي اللي حاولت تكبتو، هاجر زعزعت أركان المجتمع المغربي بشكل غريب، و تشجع الشواذ الجنسين يخرجو عن صمتهم وكدافع عليهم دفاع شرس هي و حبيبتها هدى المكاوي. هاجر كتحط فبروفيلها وصفحتها اي موضوع بلاا حرج وبلاا خوف. وهي من المتمردات كذلك.

11013321_851616188250735_4909102605386815488_n

ليس الفتى من قال كان أبي بل الفتى من قال ها أنا ذا، ابتسام او بيتي مغربية فمينيست وناشطة حقوقية، مثيرة للجدل اخر حاجة دارتها هي باش شدوها فلحبس حيت كانت سكرانة، ابتسام ذات توجه يساري و تدعو لتغيير قانونية زجرية من بينها لمادة 222 من القانون الجنائي والحرية الجنسية وخصوصا حقوق المرأة خارج وداخل التراب الوطني.

14369870_1091173910965292_6914381451241553744_n

وختامه مسك، الهام أم قبل متكون من النساء المتمردات، الهام فشكل ومعتدلة فأفكارها ومعظم الوقت كتعلق على الأوضع السياسية وكتهضر على النسا د لمغريب وكتشارك مع الفولورز تفاصيل حياتها اليومية وسفرها الدائم وكتشجع المجتمع المغربي يتجاوز الحكم الخارجي ويدخل كلش سوق جواه.

 

Share

أضف تعليقاً