اشناهوا الروت Root وكيفاش تفعلو

قبل مانبداو نخدمو ب الروت ROOT اولا خصنا نطرحو مجموعة ديال التساؤلات :

اشناهوا الروت ROOT, الفوائد ديالو, العيوب, واش هو اجباري اولا اختياري؟ وهادو هوما الأسئلة اللي كيتطرحو بزاف من طرف مستعملي الاندرويد. لهذا غادي نقدم ليكم واحد الشرح مفصل ديال الروت ROOT فهاد المقال.

الروت Root هو واحد العملية برمجية كتكون فنظام الأندرويد باش تفتح المجال لبعض التطبيقات اللي خاصها صلاحيات روت الوصول لداخل ديال نظام الاندرويد اللي مبني على لينوكس، بواحد الطريقة معمقة كتمكنها باش تعدل اولا تغير اولا تزيد مميزات، تحديتاث جديدة.

بعض المرات كيلعب الروت دور النسخة ديال نظام الأندرويد.

• النوع ديال التطبيقات اللي كتحتاج الروت :

كاينين بزاف ديال التطبيقات فالأندرويد كتحتاج الروت، بحال : تطبيقات ديال الباكاپ، ريكوڤري، VPN 

• كيفاش نقوم بعملية الروت : 

خاصك تحمل برنامج King Root هنا

• واش الروت اجباري اولا اختياري : 

الروت ماشي اجباري وتيبقى واحد الحل اختياري على حسب الرغبة ديالك، ف اولا كنتي باغي تكون محترف او خبير فالاندرويد فالروت تيولي حاجة ضرورية، خاصة اللي كيخدمو بزاف بالتطبيقات اللي كتحتاج لهاد العملية (الروت).

• العيوب ديال الروت :

اول شيء كيدور فراسنا قبل مانديرو عملية الروت هو : خسارة التلفون او الجهاز ديالي، فبعض الحالات ممكن يخسر الجهاز بسبب شي خطأ فعملية الروت، وخاصنا نكونو على بال قبل مانديرو شي مرحلة.

• كيفاش نقد نحيد الروت؟

هاد الدفيديو تيوضح اسهل طريقة باش نلغيو الروت، عبر تطبيق SUPER SU اللي غادي نحملوه من البلاي ستور : ضغط هنا

اللي عندو شي تساؤل على الروت، ممكن ايطرحو فخانة التعليقات، وغادي نجاوبوه وشكرا