شرح كامل كيفاش تسجل ف الأنابيك ANAPEC

  • تعريف ديال الأناپيك :

هو واحد البرنماج حكومي، تدار با يسهل و يساعد السباب اللي عندهوم الدبلومات، باش ادخلو السوق ديال الخدمة بكل سهولة، حسب كل واحد والقدرات اللي عندو. انابيك كتعتبر من واحد الجهة وسيط بين المشغل واللي تيقلب على الخدمة.

  • كيفاش تسجل ف الانابيك ANAPEC :

الخطوة الاول هي تمشي تسجل فالموقع ديال الانابيك هنا http://www.anapec.org/sigec-app-rv/chercheurs/inscription . تعمر جميع المعطيات المطلوبة، وخاصها تكون صحيحة.

بعد اسبوع من التسجيل ف الموقع ديال الانابيك، خاصك تمشي لأقرب وكالة أنابيك ف المدينة ديالك، باش تكمل عملية التسجيل وتأكد من المعلومات اللي درتيهوم ف الموقع.

غادي اطلبو منك تعمر  استمارات ومن بعدها واحد اختبار شفوي كتراوح المدة ديالو ما بين 15 و 30 دقيقة مع شي موظف من الوكالة باش يتأكدو من المعطيات ديالك، ويحددو نوع ديال الخدمة اللي تلائمك مقارنة بالشواهد اللي عندك.

وأخيرا بعدما تقبل، دخل لموقع الأنابيك وغادي تلقا فرص عمل فالمجال ديالك، ختار المباراة اللي كتناسبك، من بعد غادي يعيطو لك باش دوز الاختبار ف الوكالة مع المسؤولين ديال الشركة اللي دارت المباراة.

Share

أضف تعليقاً